Экс-дырэктар "Барысаўдрэва" лічыць, што БТ будзе скажаць факты суда
У Мінскім абласным судзе пачаўся працэс над былым гендырэктарам кампаніі "Барысаўдрэў" Уладзімірам Мальцавым.
Топ-менеджара вінавацяць у злоўжыванні службовымі паўнамоцтвамі з нанясеннем асабліва буйной шкоды. Паводле следства, гэтая шкода склала каля 18 мільярдаў рублёў.
Судзіць Мальцава суддзя Валянцін Вердыш, абараняе адвакат Дзмітрый Гарачка.
Дзяржаўныя тэлеканалы папрасілі згоду весці здымкі працэсу. У адказ на гэта Мальцаў заявіў, што ў прынцыпе не супраць, але мяркуе, што яны будуць скажаць факты і такім чынам аказваць ціск на суддзю. Як перадае Радыё "Свабода", у выніку здымкі падчас працэсу забаранілі.
Фота — svaboda.org
