Еўрасаюз вырашыў пашырыць санкцыі супраць беларускага рэжыму
Еўрасаюз вырашыў пашырыць санкцыі супраць беларускіх уладаў, перадае DW. У якасці адказу на "гібрыдныя атакі і інструменталізацыю мігрантаў" кіраўнікі МЗС краінаў ЕС дададуць у санкцыйны спіс асобаў, датычных да арганізацыі міграцыйнага крызісу.
У блэкліст трапяць юрыдычныя і фізічныя асобы, якія "садзейнічаюць арганізаваным і падтрыманым рэжымам Лукашэнкі нелегальным перасячэнням мяжы ЕС".
Канкрэтны спіс тых, хто трапіць пад новыя санкцыі, з'явіцца пазней.
