Фотафакт: The Toobes рэкламуюць новы іміграцыйны закон ў Польшчы

Музыкі мінскага трыа The Toobes, якое апошнім часам базуецца ў Беластоку, сталі тварам рэкламнай кампаніі новага іміграцыйнага закона ў Польшчы. Беларускія рок-н-рольшчыкі разам з афрыканцамі, в’етнамцамі ды іншымі імігрантамі стала з'яўляюцца на экранах тэлевізараў, на бігбордах ды рэкламных месцах у аўтобусах ды трамваях.

Праўда, самі палякі даволі неадназначна рэагуюць на новы закон і яго рэкламу. На адным з бігбордаў мясцовыя жыхары закрэслілі твары The Toobes ды падпісалі “Вон з краю!”.

Дарэчы, на рэкламных фота беларускі гурт яшчэ ў старым складзе. Некалькі месяцаў таму The Toobes пакінуў басіст Стас Мурашка. Прычыны сыходу ды магчымасць вяртання музыкі не каментуюць. Пакуль на канцэртах Стаса замяняе лідар 2morrow2late Зміцер aka JimWin.