Горад Пружаны на Брэстчыне застаўся без вады

У Пружанах Брэсцкай вобласці з самага ранку 16 студзеня няма вады, піша мясцовае выданне "Раённыя будні".

У мясцовым прадпрыемстве "Камунальнік" кажуць, што адбываюцца аварыйна-аднаўленчыя работы на сетках водазабеспячэння і каналізацыі.

Пружанскія ўлады арганізавалі падвоз пітной вады ў аўтацыстэрнах у 11 пунктах горада.

Праўда, райцэнтр гігіены і эпідэміялогіі "настойліва рэкамендуе кіпяціць ваду, набраную ў месцах падвозу, перад ужываннем".

Улады не кажуць, калі водазабеспячэнне будзе адноўлена, але падкрэсліваюць, што "прычын для панікі няма".

У Пружанах жыве каля 20 тысяч чалавек.