І без беларускага калію: Клайпедскі порт аднаўляе абароты

Агульны аб'ём грузаў у порце Клайпеды сёлета павялічыцца на 5-10%, прагназуюць у Асацыяцыі літоўскіх марскіх грузавых кампаній. Паказчыкі порта прыкметна знізіліся пасля ўвядзення санкцый супраць беларускага калію — "Беларуськалій" доўгі час быў адным з асноўных кліентаў і гарантаў грузаабароту ў порце.

Але сітуацыя пачала выпраўляцца. У гэтым годзе аб'ём грузаў чакаецца на ўзроўні 35 мільёнаў тон — пакуль што прыкметна ніжэй, чым максімальны ўзровень 2021 года ў 46,7 млн, але цяпер эксперты кажуць пра ўстойлівы рост.

"Грузавыя перавозкі стабілізаваліся, яны дасягнулі той базы, ад якой можна казаць толькі пра рост", — сказаў Delfi Вайдотас Шылейка, прэзідэнт Асацыяцыі літоўскіх марскіх грузавых кампаній.

Рост чакаецца і ў 2025, цяпер асноўным грузам становіцца збожжа — большая частка літоўскага сельскагаспадарчага экспарту адпраўляецца праз Клайпеду. Растуць дрэвы і металапрадукцыі. Адзіная катэгорыя, па якой пакуль што ідзе зніжэнне — кантэйнеры.