Канец тыдня ў Беларусі будзе дажджлівым і з парывістым ветрам
3 траўня будзе воблачнае з праясненнямі надвор'е, паведамляе Белгідрамет.
Месцамі пройдуць кароткачасовыя дажджы, днём па паўднёвым усходзе краіны магчымыя навальніцы. Вецер чакаецца заходні, паўднёва-заходні парывісты, раніцай і днём у асобных раёнах — да моцнага.
Уначы прагназуецца 3-8 вышэй за нуль, месцамі +1...+2. Удзень чакаецца 11-17 цяпла, па паўднёвым усходзе — да +20.
У суботу, 4 траўня, уначы па паўднёвым усходзе, а зранку і ўдзень месцамі па Беларусі пройдуць кароткачасовыя дажджы, магчымыя навальніцы. Вецер будзе заходняй чвэрці ўмераны, пры навальніцах парывісты.
Уначы прагназуецца 1-8 са знакам "плюс", у асобных раёнах — замаразкі да 0...-2. Удзень чакаецца +11...+17, па паўднёвым усходзе — да 19 вышэй за нуль.
5 траўня на большай частцы тэрыторыі пройдуць дажджы, удзень месцамі па паўднёвым усходзе прагрымяць навальніцы. Вецер будзе пераменных напрамкаў умераны, днём пры навальніцах — моцны парывісты.
Уначы слупок тэрмометра пакажа 2-8 цяпла, па поўдні будзе да +10. Удзень паветра прагрэецца да 7-14 вышэй за нуль, па паўднёва-ўсходняй палове чакаецца да 15-22 са знакам "плюс".
