Капітуляцыя Крамля: за што Пуцін заплаціў Лукашэнку “Комсомолкой”?
Скандал з затрыманнем у Беларусі журналіста “любімай газеты Пуціна” скончыўся… поўнай паразай Расіі. Бо кіраўніцтва гэтай краіны ніякім чынам не стала на абарону “сваіх”. Чарговы раз паказаўшы, што словы “рускія сваіх не кідаюць” — не больш чым проста прыгожыя словы з улётак расійскай прапаганды.
Ці сапраўды сітуацыя з выхадам “Комсомольской правды” з беларускага медыярынку стала паразай Крамля? Ці звязаная гэтая сітуацыя з мігранцкім крызісам на мяжы Беларусі і краін ЕС? Якія наступствы будзе мець спроба стварыць “культ сілавікоў”? На гэтыя ды іншыя пытанні адказвае палітычны аглядальнік Валерый Карбалевіч.
