Кіраўнік еўрапейскай дыпламатыі: ніводнага еўра ўраду Лукашэнкі!

"Сёння мы дамовіліся пачаць падрыхтоўку новага раўнда санкцый у адказ на гвалт уладаў і з мэтай падтрымкі беларускага народа, — заявіў Барэль. — Гэтыя санкцыі будуць уведзеныя не толькі супраць фізічных асоб, але і супраць [дзяржаўных] структур, кампаній і прадпрымальнікаў".

Раней паведамлялася, што новы пакет санкцый ЕС "будзе ўключаць структуры, якія фінансуюць... Лукашэнку". Ён будзе гатовы ў бліжэйшыя тыдні.

Барэль падкрэсліў, што Еўрасаюз больш не выдзеліць ніводнага еўра ўраду Лукашэнкі, усе сродкі пойдуць толькі грамадзянскай супольнасці.

Афіцыйны Мінск напярэдадні заявіў, што гатовы адказаць на магчымыя эканамічныя санкцыі Бруселя.