Летась від на жыхарства ў ЕС атрымалі амаль 52 тысячы беларусаў

Летась від на жыхарства ў Еўрасаюзе атрымалі амаль 52 тысячы беларусаў. Больш за 42 тысячы — у Польшчы, найменш у Ліхтэнштэйне — 3, інфармуе Еўрастат. У Літве від на жыхарства атрымалі 2874 беларусы, у Чэхіі — 1212, у Германіі — 1050, у Вялікабрытаніі — 621.

Адзначаецца, што большасць (25,5 тысячы) атрымалі від на жыхарства па працы, амаль 3 тысячы — па сямейных абставінах, амаль 2 тысячы — па прычыне навучання ў краінах ЕС.