Ліст пасажыркі “Тытаніка” могуць прадаць за 150 тысяч долараў
Рарытэт выставілі на аўкцыён у Брытаніі.
Ліст належыць Эстэр Харт, якая напісала яго сваёй маці за некалькі гадзінаў да таго, як карабель затануў.
Папера з лістом была схаваная ў кішэні паліто яе мужа, загінулага ў часе крушэння “Тытаніка”. Паліто ён аддаў жонцы, каб яна магла сагрэцца. Жанчына разам са сваёй сямігадовай дачкой здолела ўратавацца ў катастрофе, перадае ВВС.