Лукашэнка паведаміў пра выпадак каранавіруса ў сваёй Адміністрацыі

У Адміністрацыі прэзідэнта быў выяўлены выпадак каранавіруса. Пра гэта Аляксандр Лукашэнка распавёў падчас паездкі ў Смалявіцкі раён 19 красавіка. 

Пасля наведвання Свята-Дабравешчанскай царквы кіраўнік дзяржавы размаўляў з настаяцелем храма — гэты сюжэт паказалі на тэлеканале АНТ. 

Лукашэнка прызнаўся, што ў Беларусі існуе вялікая праблема з тэставаннем на COVID-19. У гэты момант да іх наблізіўся кіраўнік Адміністрацыі прэзідэнта Ігар Сергеенка.

"О, жывы! У яго ў прыёмнай чалавек захварэў. Жывы-здаровы! Пратэставалі — усё нармальна. А то гвалт: паміраюць і іншае", — паведаміў беларускі кіраўнік.

Дарэчы, і сам Лукашэнка, і ўсё яго атачэнне былі без масак. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.