Лукашэнка расказаў, за што ўзнагародзіў старшыню КДБ і міністра абароны

Паводле слоў Аляксандра Лукашэнкі, гэта найперш ацэнка вынікаў працы за мінулы год. Нагадаем, днямі ордэн Айчыны ІІІ ступені атрымалі старшыня Камітэту дзяржбяспекі Валерый Вакульчык, міністр абароны Юрый Жадобін і міністр унутраных справаў Ігар Шуневіч.

Лукашэнка: "Міністэрства абароны правяло вельмі маштабнае вучэнне, і вядома, у гэтым вельмі вялікая заслуга міністра — Юрыя Жадобіна. І тое, што дзясяткі ваенных гарадкоў аднавілі з руін і попелу, прывялі ў нармальны стан, і тое, што ў нас войска адчувае сябе як войска, і тое, што мы вызначыліся на перспектыву — гэта вялікая яго заслуга. Старшыня КДБ Вакульчык заслужыў ордэн, бо шмат што зрабіў для стварэння Следчага камітэта. Міліцыя працавала нядрэнна. Гэта не для хвалы. Вы ведаеце, што я не вельмі хваліць людзей, але тым не менш трэба аддаць належнае”.

Падчас сустрэчы з Аляксандрам Лукашэнкам міністр унутраных спраў Ігар Шуневіч паведаміў аб зніжэнні агульнага ўзроўню злачыннасці ў нашай краіне. Летась было зарэгістравана амаль на 12 тысяч менш заяваў і паведамленняў аб злачынствах, чым было ў пазамінулым годзе.
 

Фота — БЕЛТА