Лукашэнка высылае з Беларусі польскіх дыпламатаў. Што гэта значыць?
Сцяг Польшчы / Łukasz Głowala / Forum
Лукашэнка высылае з Беларусі польскіх дыпламатаў. Пра гэта Еўрарадыё паведаміў прэс-сакратар Міністэрства замежных спраў Польшчы Лукаш Ясіна.
“Беларускія ўлады вырашылі выслаць двух нашых консулаў з Гродна і сувязнога памежнай службы, які быў акрэдытаваны ў Мінску. Так што па дыпламатычным статусе гэтая тройка павінна пакінуць тэрыторыю Беларусі да поўначы 23 лютага”.
Па словах суразмоўцы, такі крок з боку Беларусі азначае скарачэнне польскіх дыпламатычных пляцовак, таму зараз Польшча рыхтуе адпаведны адказ беларускім уладам.
Ці паўплывае рашэнне на працу польскіх амбасадаў у Беларусі?
“За доўгі час колькасць польскіх консулаў была настолькі скарочаная, што магчымасці падаць заяву на польскую візу сталі вельмі абмежаванымі, дзякуючы дзеянням лукашэнкаўскай улады”, — дадае Лукаш Ясіна.
У МЗС Беларусі гэтую сітуацыю тлумачаць так:
“Штат Генеральнага консульства Польшчы ў Гродне павінен быць прыведзены да колькаснага парытэту з колькасцю супрацоўнікаў Генеральнага консульства Беларусі ў Беластоку.
Беларускі бок таксама не бачыць сэнсу далейшага знаходжання на сваёй тэрыторыі афіцэра сувязі Памежнай службы Польшчы. Мы давалі яму шанец, аднак замест наладжвання мастоў і садзейнічання вырашэнню праблемных пытанняў, у тым ліку для польскіх перавозчыкаў, на справе яго актыўнасць была накіравана ў супрацьлеглы бок”.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.