Ля мяжы з Польшчай знойдзены труп бежанца — Дзяржпагранкамітэт
На беларуска-польскай мяжы знойдзена цела мужчыны неславянскай знешнасці без цёплай верхняй вопраткі, паведамляе Дзяржпагранкамітэт. Гэта адбылося 19 лістапада.
— Труп знаходзіўся недалёка ад брамкі ў польскай загародзе. Характар слядоў, пакінутых на мяжы, сведчыць аб тым, што цела было перамешчанае з Польшчы ў Беларусь. Пры сабе ў загінулага выяўленыя дакументы грамадзяніна Ірака, — сцвярджае ДПК. — Для ўстанаўлення абставінаў і прычын смерці на месца выклікана следча-аператыўная група. Праводзяцца следчыя дзеянні.
У красавіку беларускія памежнікі знайшлі цела загінулага грамадзяніна Гвінеі. Тады Дзяржпагранкамітэт заявіў, што яго выштурхнулі з Польшчы і пакінулі "ў бездапаможным стане".
Мігранты гінулі на беларуска-польскай мяжы і ў 2021 годзе. Заўсёды беларускі бок абвінавачвае ў гэтым еўрапейскіх суседзяў. Тым часам людзі з Азіі і Афрыкі працягваюць незаконныя спробы прабрацца з Беларусі ў Еўропу. Толькі ў Польшчу ў 2021 годзе яны спрабавалі прайсці больш за 13 тысяч разоў. Перасоўванне замежнікаў па прымежнай зоне беларускіх памежнікаў чамусці не бянтэжыць.
Так выглядае адна з груп мігрантаў, якая шукае праход у Польшчу:
Grupy cudzoziemcow codziennie podchodzą pod barierę, aby spróbować ją sforsować. Kierowani przez służby🇧🇾 szukają miejsc,aby przekroczyć granicę. Gdy widzą nadchodzące patrole🇵🇱 wycofują się na Białoruś.
— Straż Graniczna (@Straz_Graniczna) November 20, 2022
Bariera to skuteczne wsparcie #funkcjonariuszeSG w ochronie granicy Polski. pic.twitter.com/8BZvCHYrDg
