Мінчук напаў на кантралёраў аўтобуса, каб не штрафавалі яго грамадзянскую жонку
Мінскія міліцыянты затрымалі мужчыну, які напаў на кантралёраў грамадскага транспарту, піша minsk.mvd.gov.by.
Інцыдэнт здарыўся 27 лютага ў 18.45 на прыпынку грамадскага транспарту на Партызанскім праспекце сталіцы. Кантралёры выявілі ў салоне жанчыну, якая ехала без квітка. Ёй прапанавалі выйсці з аўтобуса для складання пратаколу за безбілетны праезд. У гэты ж час жанчына затэлефанавала з мабільніка і паведаміла свайму суразмоўцу пра здарэнне.
На прыпынку кантралёры прапанавалі жанчыне аплаціць штраф. Падчас размовы да іх падышоў мужчына і стаў пагражаць кантралёрам. Адну з іх зламыснік схапіў за форму, ад чаго кантралёр павалілася. Таксама падчас канфлікту быў пашкоджаны відэарэгістратар. Калі відавочцы выклікалі міліцыю, мужчына ўцёк.
Міліцыянты высветлілі, што нападнікам быў 41-гадовы мінчук, які працуе на адным з прадпрыемстваў сталіцы. Ён патлумачыў, што заступаўся за сваю сужыцельку, каб яе не аштрафавалі.
З мужчыны ўзялі падпіску аб нявыездзе і належных паводзінах. Прававую ацэнку яго дзеяннм дасць Следчы камітэт. За гвалт у адносінах да службовай асобы яму можа пагражаць да пяці гадоў пазбаўлення волі.