Мінчука асудзілі на "хатнюю хімію" за ўхіленне ад тэрміновай вайсковай службы
Суд у ваенкамаце / t.me/zav_minsk/
Мінчука асудзілі на год "хатняй хіміі" за ўхіленне ад тэрміновай вайсковай службы. Паказальны суд правялі ў ваенкамаце Заводскага раёна сталіцы. На ім прысутнічала група прызыўнікоў. Абставіны справы "ўхіліста" не паведамляюцца.
Падобныя суды праходзяць па ўсёй Беларусі. Нямала прызыўнікоў з'язджае за мяжу (асабліва ў РФ), іх затрымліваюць пасля вяртання ў Беларусь. "Ухілістаў" адпраўляюць на грамадскія працы, у калонію, на "хімію", а часцей штрафуюць.
У 2023 годзе ў РБ за ўхіленне ад вайсковага прызыву было асуджана 266 чалавек.
