Мінчукам далі магчымасць плаціць за ваду праз АРІП

Мінчукі цяпер атрымалі магчымасць уводзіць праз АРІП паказанні лічыльнікаў вады пры аплаце камунальных паслуг. Пра гэта піша БЕЛТА са спасылкай на ААТ "Нябанкаўская крэдытна-фінансавая арганізацыя "АРІП".

Як распавяла намесніца старшыні праўлення "АРІП" Наталля Штэўніна, такую магчымасць для плацельшчыкаў даўно ўвялі ў шмат якіх рэгіёнах Беларусі. А са студзеня 2017-га і мінчукі змогуць уводзіць паказанні лічыльнікаў непасрэдна падчас аплаты камунальных плацяжоў. Плата за ўвод паказання лічыльнікаў у АРІП не спаганяецца.