Міністр абароны Украіны паведаміў аб прыбыцці сістэм залпавага агню HIMARS
Міністр абароны Украіны Аляксей Рэзнікаў паведаміў аб прыбыцці партыі рэактыўных сістэм залпавага агню HIMARS.
"Дзякуй майму амерыканскаму калегу і сябру, міністру абароны Лойду Осціну за гэтыя магутныя інструменты. Лета будзе гарачым для расійскіх захопнікаў. А для некаторых з іх — апошнім", — напісаў Рэзнікаў у сваім акаўнце ў Твітары.
Як нагадвае Бі-Бі-Сі, ЗША пагадзіліся перадаць Украіне некалькі рэактыўных сістэм залпавага агню HIMARS. Гэтыя сістэмы пераўзыходзяць па дакладнасці і далёкасці паражэння тыя, што прымяняе ва Украіне расійскае войска.
Пры гэтым адміністрацыя Байдэна паставіла ўмову, каб Украіна не выкарыстоўвала гэтыя сістэмы па цэлях на расійскай тэрыторыі.
HIMARS have arrived to Ukraine.
— Oleksii Reznikov (@oleksiireznikov) June 23, 2022
Thank you to my colleague and friend @SecDef Lloyd J. Austin III for these powerful tools!
Summer will be hot for russian occupiers. And the last one for some of them. pic.twitter.com/BTmwadthpp
