Міністр замежных спраў Літвы нагадаў Лукашэнку пра Гаагу
Міністр замежных спраў Літвы нагадаў Аляксандру Лукашэнку пра Міжнародны крымінальны суд у Гаазе. Габрыэлюс Ландсбергіс пракаментаваў сённяшнюю хвалю "зачысткі" грамадзянскай супольнасці ў Беларусі: дзясяткі ператрусаў і затрыманняў па ўсёй краіне.
"Беларусь сёння ператвараецца ў таталітарную дзяржаву, — піша Ландсбергіс у Twitter. — Напады на грамадзянскую супольнасць ствараюць чорную дзірку ў дэмакратыі і правах чалавека на еўрапейскім кантыненце. Наш абавязак — дапамагчы тым, хто падвяргаецца нападкам, каб у адзін цудоўны дзень Беларусь вызвалілася ад дыктатара, адзінае месца якога — у Гаазе".
Belarus now is totalitarian state in the making. Attacks against civil society paint a black hole for democracy and human rights on the European continent. It is our duty to help those under attack so that one day BY is free from the dictator whose only place is in the Hague
— Gabrielius Landsbergis (@GLandsbergis) July 14, 2021
