Мінскае "Дынама" шукае валанцёраў, каб перакласці сайт на беларускую мову
Пра гэта распавёў гендырэктар футбольнага клуба Сяргей Паўлюковіч у інтэрв'ю сайту by.tribuna.com.
"Ужо цяпер мы шукаем валанцёраў, хто б мог дапамагчы клубу весці беларускамоўную версію афіцыйнага сайта", — сказаў Паўлюковіч. Пакуль існуе толькі рускамоўная версія сайта футбольнага клуба.
Дарэчы, стала вядома, што ў сезоне 2014 года мінскае "Дынама" будзе праводзіць хатнія матчы на стадыёне "Трактар" (як вядома, стадыён "Дынама" знаходзіцца на рэканструкцыі). Яго ўжо дапусцілі да правядзення матчаў чэмпіянату Беларусі, у адрозненне ад новай арэны БАТЭ.
