Мінскае “Дынама” захоўвае пазіцыю лідара ў ЧБ па футболе (відэа)
26 красавіка сталічны клуб у матчы 5-га тура першынства краіны перамог у гасцях “Гомель”.
Вынік гульні — 0:2 на карысць гасцей. Галамі адзначыліся легіянеры дынамаўцаў Эрнан Фігерэда і Ненад Адамавіч.
Такім чынам, “Дынама” мае 13 ачкоў і па выніках 5-га тура захавае лідарства: нават у тым выпадку, калі БАТЭ абыграе брэсцкае “Дынама”, у падапечных Уладзіміра Жураўля застанецца перавага ў адно ачко.
Адметна, што з пятую гульню запар дынамаўцы не прапускаюць у сваю браму ніводнага мяча супернікаў.
