На 28 ліпеня сіноптыкі абвясцілі аранжавы ўзровень небяспекі
Аранжавы ўзровень небяспекі абвясцілі сіноптыкі на сераду, 28 ліпеня.
Уначы і зранку на большай частцы тэрыторыі краіны чакаюцца навальніцы, у асобных раёнах моцныя залевы, паведамляе Белгідрамет. Падчас навальніц месцамі прагназуецца шквалістае ўзмацненне ветру — парывамі да 15-20 метраў за секунду.
Удзень у многіх раёнах Беларусі будзе +30...+32.
У Мінску ўначы прагназуецца навальніца. Удзень тэрмометры пакажуць да 30 цяпла.
