На авіярэйсе Мінск — Тбілісі пабіліся пасажыры
Бойка пачалася пасля таго, як адзін з пасажыраў абразіў жанчыну / скрыншот відэа
Бойка адбылася на вячэрнім рэйсе авіякампаніі "Белавія", які здзяйсняў палёт па маршруце Мінск — Тбілісі. Відэа інцыдэнту з'явілася ў сеціве.
Падставай для бойкі сталі паводзіны аднаго з пасажыраў — як мяркуецца, выхадца з Грузіі. Ён абразіў жанчыну-суседку. Яе адсадзілі. Тым часам іншыя пасажыры вырашылі правучыць крыўдзіцеля.
У нейкі момант "выстраілася чарга набіць нахабніку фізіяномію", расказаў "Салідарнасці" адзін з відавочцаў здарэння. Каманда спрабавала супакоіць пасажыраў, камандзір экіпажа прасіў спыніць бойку, казаў, што "інакш будзем вымушаныя пасадзіць самалёт".
У аэрапорце Тбілісі віноўніка інцыдэнту забрала паліцыя.
