На "Гродна Азот" праз праблемы з энергазабеспячэннем давялося перазапускаць цэхі
"Гродна Азот" / @grodnenskii_khimik
На "Гродна Азот" аднаўляюць працу пасля ўчорашніх праблем з электразабеспячэннем. Частка вытворчасцяў ужо запушчаная наноў, паведамілі на прадпрыемстве. У прыватнасці, зноў працуюць вытворчасці карбаміду, метанолу і КАС (вадкае азотнае ўгнаенне). Працягваюцца пускавыя аперацыі ў цэхах вытворчасці капралактаму, аміяку, рыхтуецца да пуску аддзяленне азотнай кіслаты цэха АКіКАС (азотнай кіслаты і карбамідна-аміячнай сумесі).
Усе гэтыя вытворчасці ўчора былі спыненыя праз перабоі ў падачы электрычнасці. Меліся праблемы на падстанцыі.
