На Гродзеншчыне аштрафавалі ксяндза, у яго канфіскавалі тэлефон
Суддзя прызнала святара вінаватым у "захоўванні з мэтай распаўсюду інфармацыйнай прадукцыі" / pixabay.com
На Гродзеншчыне на 1200 рублёў аштрафавалі ксяндза, у яго канфіскавалі мабільны тэлефон. Паўла Гедройця пакаралі за падпіскі ў Facebook, паведамляюць праваабаронцы.
Пра тое, што за "экстрэмізм" судзілі ксяндза з Гродзенскага раёна, пробашча касцёла вёсак Галынка і Пярстунь, стала вядома напярэдадні. Суд адбыўся яшчэ ў сакавіку. Адміністрацыйную справу разглядала суддзя Наталля Козел. Яна прызнала святара вінаватым у "захоўванні з мэтай распаўсюду інфармацыйнай прадукцыі" аднаго з тг-каналаў, прызнаных у РБ "экстрэмісцкім".
