На "Мінск-Арэне" "Дынама" прыме "Барселону"
Чэмпіёны Беларусі ў чацвер правядуць матч 5-га тура галоўнага гандбольнага кантынентальнага турніра — Лігі чэмпіёнаў.
Чакаецца, што на трыбунах "Мінск-Арэны" збярэцца каля 15 тысяч гледачоў. Матч пачнецца а 19-й гадзіне.
Нагадаем, у складзе "Барселоны" будзе гуляць капітан зборнай Беларусі Сяргей Рутэнка.
Мінскае "Дынама" змагаецца за выхад у плэй-оф. У групе С лідыруе "Барселона" з 7 ачкамі, у македонскага "Металурга" 6 ачкоў, мінскае "Дынама" і македонскі "Вардар" маюць па 4 ачкі, французскі ПСЖ — 3, у швейцарскага "Вакера" ачкоў няма.
