На польскай мяжы стаяць чэргі на ўезд у Беларусь
Чарга на ўезд з Польшчы ў Беларусь / t.me/granica_bypl
Сітуацыя на беларуска-польскай мяжы памянялася.
Нядаўнія чэргі ў Польшчу зніклі. І цяпер аўтобусы чакаюць гадзінамі, каб трапіць назад у Беларусь. Пра гэта паведамляюць пасажыры ў чатах.
Удзень у пятніцу, 1 лістапада, уезду ў Польшчу з Беларусі чакаюць 750 машын і нуль аўтобусаў. Між тым, яшчэ некалькі дзён таму ў чарзе стаялі больш за 80 рэйсавых аўтобусаў.
Выглядае, што цяпер шмат хто вяртаецца ў Беларусь, таму пераход мяжы ў наш бок зацягваецца. На шчасце, чакаць даводзіцца не суткамі, а ўсяго толькі некалькі дадатковых гадзін.
