Надвор'е на панядзелак: дажджы, снег, туман і да +9 градусаў

У панядзелак, 2 сакавіка, на тэрыторыі Беларусі чакаецца воблачнае з праясненнямі надвор'е з ападкамі ў выглядзе дажджу і месцамі мокрага снегу. Вецер чакаецца паўднёвы і паўднёва-заходні моцны з парывамі да 14 м/с.

Тэмпература паветра ўначы ад 0..+2°C ў Гродне, да +2..+4°C у Гомелі і Брэсце, днём ад +5..+7°C у Брэсце і Гомелі да +7..+9°C у Віцебску і Магілёве.

Ноччу і раніцай па большай частцы тэрыторыі Беларусі чакаецца слабы туман. У сувязі з гэтым Белгідраметэацэнтр абвясціў на 2 сакавіка жоўты ўзровень небяспекі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.