Некаторыя ўкраінскія дальнабойныя дроны выкарыстоўваюць штучны інтэлект
Украінскія дальнабойныя беспілотнікі становяцца для расіян праблемай / cnn.com
Некаторыя ўкраінскія дальнабойныя дроны, якія атакуюць аб'екты ў Расіі, выкарыстоўваюць штучны інтэлект, паведамляе СNN са спасылкай на свае крыніцы. Дзякуючы "машыннаму зроку", беспілотнік лепш арыентуецца і пазбягае перашкод, таксама забяспечваецца дакладнасць удараў.
На беспілотніку ёсць тэрмінальны камп'ютар са спадарожнікавымі данымі і звесткамі пра мясцовасць. Палёты ўзгадняюцца загадзя з заходнімі саюзнікамі, і маршрут адпавядае плану палёту. У выніку ўдары наносяцца з дакладнасцю да некалькіх метраў.
"Машынны зрок" дазваляе беспілотніку самастойна вызначаць геаграфію і мэту, да якой ён рухаецца. Гэта робіць яго цалкам аўтаномным — яму не патрабуецца ніякай сувязі са спадарожнікамі. Пры гэтым эксперты кажуць, што гэта яшчэ "адна з ранніх стадый раскрыцця патэнцыялу гэтай тэхналогіі".
CNN не змагла атрымаць каментары ГУР Мінабароны Украіны і СБУ наконт выкарыстання тэхналогіі штучнага інтэлекту.
