Пацыенту, які пагражаў лекарам пісталетам, прысудзілі год "хатняй хіміі"
Пісталет, якім пацыент пагражаў медыкам / sk.gov.by
Жыхару Маларыты прысудзілі год "хатняй хіміі". У мінулым снежні на парозе сваёй кватэры ён сустрэў медыкаў з пнеўматычным пісталетам у руках, пагражаў стрэліць.
У той момант мужчына хварэў на COVID-19 і знаходзіўся на самаізаляцыі. Медыкі прыйшлі яго праверыць. Сітуацыю выратаваў кіроўца, якога лекар і медсястра паклікалі на дапамогу. Раздражнёны пацыент у выніку стаў фігурантам крымінальнай справы.
Пра мужчыну вядома, што яму 54 гады, раней праблем з законам не меў.
Першапачаткова СМІ паведамлялі, што ў дачыненні да яго ўзбуджаная крымінальная справа па ч. 1 ст. 366 (пагроза гвалтам у дачыненні да службовай асобы). Аднак суд разглядаў ўжо справу аб хуліганстве, узбуджаную па ч. 1 арт. 339 КК (наўмысныя дзеянні, якія груба парушаюць грамадскі парадак і выказваюць відавочную непавагу да грамадства (хуліганства), паведамляе БЕЛТА.
Прысуд не ўступіў у законную сілу і яшчэ можа быць абскарджаны.
