Пад Мінскам падчас катання на цюбінгу загінуў 10-гадовы хлопчык
У пасёлку Прылукі пад Мінскам падчас катання на цюбінгу загінуў 10-гадовы школьнік. Як паведамляе “Наша Ніва” са спасылкай на відавочцаў здарэння, хлопчык быў на горцы з маці. У адзін са спускаў на цюбінгу (гэта надзьмутыя круглыя санкі) школьнік не разлічыў траекторыю і з разгону ўрэзаўся ў ліхтар.
Удар быў моцным, хлопца не ўратавалі, ён памёр.
Большасць прылуцкіх бацькоў пасля гэтага выпадку забараняюць сваім дзецям катацца з той горкі, яна цяпер пустая, хоць і не агароджаная. Бацькі таксама звяртаюць увагу, што горкі часта знаходзяцца ў небяспечных месцах: побач з дарогамі, сметніцамі, слупамі ці дрэвамі і ніяк не агароджваюцца, каб на іх можна было катацца бяспечна.
У прылуцкай школе сітуацыю не каментуюць — яна адбылася пасля ўрокаў і не на іх тэрыторыі.
