Пад Петрыкавам турыстцы прыляцеў у галаву "язык" ад царкоўнага звона
Звон, ілюстрацыйнае фота / pixabay.com
54-гадовая жыхарка Мінска атрымала траўму падчас наведвання Свята-Міхайлаўскай царквы ў аграгарадку Ляскавічы Петрыкаўскага раёна, паведамляе Дзяржкамітэт судовых медэкспертыз.
17 лістапада 2023 года жанчына ў складзе экскурсіі наведвала храм і паднялася на званіцу, каб на свае вочы паглядзець, як гучыць звон. Падчас перазвону ў звана адарваўся "язык" і трапіў жанчыне ў галаву.
Судмедэкспертыза выявіла, што жанчына атрымала лёгкія цялесныя пашкоджанні.
