Падазраваны ў атрыманні хабару дырэктар ФК “Слуцк” вярнуўся на працу

Спартовы функцыянер Алег Каранеўскі ў суботу, 9 верасня вярнуўся да выканання абавязкаў дырэктара футбольнага клуба “Слуцк”. Пра гэта паведамляе by.tribuna.

Каранеўскі быў затрыманы 5 верасня па падазрэнні ў атрыманні хабару ў памеры 1,4 тысячы долараў. Паводле інфармацыі прэс-службы МУС, затрыманне адбылося ў Мінску на праспекце Пераможцаў супрацоўнікамі АБЭЗ УУС Мінаблвыканкама.

6-7 верасня дырэктар “Слуцка” не выходзіў на працу, яго тэлефон не адказваў.