Падчас акцыі "Стоп — заяц!" Беларуская чыгунка выявіла толькі трох безбілетнікаў
16 сакавіка Беларуская чыгунка правяла акцыю "Стоп — заяц!". Падчас яе былі выяўленыя толькі тры пасажыры, якія ехалі без квіткоў, інфармуе БЕЛТА са спасылкай на прэс-цэнтр БЧ.
Праверкі квіткоў у пасажыраў адбыліся па прыбыцці і адпраўцы ў 35 цягніках рэгіянальных ліній эканомкласа. "Трэба адзначыць, што ўсяго было выяўлена 3 безбілетных пасажыра, спагнана штрафу і тарыфу на суму 56 рублёў", — далі справаздачу ў прэс-цэнтры.
Падчас акцыі пасажырам ўручалі тэматычныя памяткі з інфармацыяй аб правілах праезду ў цягніках.
Акцыю "Стоп — заяц" ініцыяваў галіновы камітэт ГА "БРСМ". Удзел у ёй прынялі больш за 350 чальцоў камітэта БРСМ Беларускай чыгункі, каля 50 работнікаў кантрольна-рэвізійных падраздзяленняў, а таксама супрацоўнікі аддзелаў унутраных спраў на транспарце.
