Палітык Андрэй Ягораў прапануе мяняць палітвязняў на легітымнасць рэжыму

Чалец Каардынацыйнай рады Андрэй Ягораў лічыць, што ціск на рэжым Лукашэнкі не прыносіць вынікаў, на якія спадзяваліся дэмсілы. Заява адбылася на канферэнцыі “Новая Беларусь”, якая праходзіць у гэтыя выходныя ў Літве.

“Я б абмяняў частковае прызнанне легітымнасці Лукашэнкі і прыезд еўрапейскіх амбасадараў у Мінску на масавае вызваленне палітвязняў”, — падкрэсліў палітык.

Яму апаніраваў чалец Аб’яднага пераходнага кабінету Павел Латушка. Палітык не згодны з падобнай стратэгіяй. Ён  не гатовы “прызнаць Лукашэнку” і прапануе працягваць ціснуць. А на выбарах 2025 года не задавольвацца байкотам (бо цішыня на выбарах — гэта і ёсць тое, што патрэбна рэжыму), а галасаваць супраць усіх.