Палітзняволенай Паліне Шарэнда-Панасюк дадалі год калоніі
Паліна Шарэнда-Панасюк / tvr.by
Суд у Рэчыцы дадаў палітзняволенай Паліне Шарэнда-Панасюк адзін год і адзін дзень зняволення (гэта не адбыты дзень з былога прысуду) ў калоніі агульнага рэжыму. Яе судзілі за "злоснае непадпарадкаванне патрабаванням адміністрацыі калоніі".
Яшчэ адзін год зняволення для жанчыны запрасіў пракурор Яўген Малалетнікаў, а суддзя Станіслаў Іванюценка, які летась ужо дадаў год зняволення Шарэнда-Панасюк, падтрымаў.
Паліна Шарэнда-Панасюк — грамадская актывістка з Брэста, якая трапіла за краты ў студзені 2021 года. У чэрвені таго ж года яе асудзілі на два гады пазбаўлення волі, абвінаваціўшы ў "гвалце" ў дачыненні да міліцыянераў і іх "абразе", а таксама ў "абразе Лукашэнкі". Пазней яе яшчэ двойчы судзілі за "непадпарадкаванне" адміністрацыі калоніі. Агульны прысуджаны ёй тэрмін склаў 4 гады пазбаўлення волі. У красавіку 2024-га прапагандысты апублікавалі інтэрв'ю з палітзняволенай: яна сказала, што напісала прашэнне аб памілаванні і спадзяецца на станоўчы вынік. Паліна мусіла выйсці на волю 21 траўня 2024 года, але яе перавялі ў гомельскае СІЗА і трэці раз абвінавацілі ў "непадпарадкаванні".
На волі Паліну Шарэнда-Панасюк чакаюць двое сыноў.
One day before her expected release, political prisoner Palina Sharenda-Panasiuk was cruelly sentenced to yet another year in prison. This marks the third extension of her sentence, despite her rapidly deteriorating health. We cannot stand by. We must act now to save her life! pic.twitter.com/UftkfVWvZ3
— Sviatlana Tsikhanouskaya (@Tsihanouskaya) October 15, 2024
