Памежны камітэт пра відэа з мяжы: беларусы не ўжывалі фізічную сілу да ўцекачоў
Беларускі бок не ўжываў фізічную сілу супраць уцекачоў. Так у Памежным камітэце пракаментавалі відэа з мяжы, апублікаванае экс-міністрам замежных спраў Літвы Лінасам Лінкявічусам.
Як распавядала Еўрарадыё, на відэа бачна, як людзі ў камуфляжы крычаць на групу ўцекачоў і падпіхваюць іх шчытамі ў бок літоўскай мяжы.
У Памежным камітэце заяўляюць, што на відэа бачна, што гэтыя ўцекачы не збіраліся ісці ў Беларусь: яны не рухаліся ў беларускі бок нават пры адсутнасці беларускіх памежнікаў. "З відэа зразумела, што фізічная сіла да ўцекачоў беларускім бокам не ўжывалася", — заяўляе прэс-служба ПК. Падпіхванне шчытамі ў бок Літвы памежнікі, відавочна, не расцэньваюць як ужыванне сілы.
Таксама прэс-служба ПК паведаміла, што ўцекачы прабылі каля мяжы восем дзён, пасля чаго пайшлі на тэрыторыю Літвы.
This short video shot by #Lithuania’s border guards proves the brutal, audacious treatment of migrants by #Belarus officials. They have been lured into the country as tourists and are now forcefuly being pushed into #EU territory. They do realize that scam too late. pic.twitter.com/6nF1wq7l9P
— Linas Linkevicius (@LinkeviciusL) September 2, 2021
