Памёр 22-гадовы гулец СКА і нацыянальнай гандбольнай зборнай Беларусі
Раніцай 7 верасня Рамана Лукашука прывезлі ў рэанімацыю "з бытавой траўмай пазваночніка", якую ён атрымаў на выхадзе з начнога клуба.
Лекары змагаліся за яго жыццё 7 дзён, учора Рамана не стала, паведамляе "Прессбол".
Раман Лукашук зрабіў значны ўнёсак у заваяванне мінскім СКА Кубка выкліку — першага еўратрафея за доўгі час. Летась гульца заўважыў галоўны трэнер нацыянальнай зборнай Беларусі Юрый Шаўцоў і запрасіў на зборы. Спецыялісты прагназавалі, што з Лукашука можа вырасці вялікі гулец.
Фота — Прессбол, ska-minsk.by
