Парашэнка позна ўвечары патэлефанаваў Лукашэнку
Увечары 23 сакавіка адбылася тэлефонная размова паміж Аляксандрам Лукашэнкам і прэзідэнтам Украіны Пятром Парашэнкам. Паведамленні на афіцыйных сайтах кіраўнікоў дзяржаў з'явіліся пасля 21:00.
Прэс-служба Лукашэнкі паведамляе, што размова была прысвечаная развіццю гандлёва-эканамічнага супрацоўніцтва, пашырэнню кантактаў на ўзроўні рэгіёнаў, ўзаемадзеянню на міжнародных пляцоўках, а таксама міратворчаму працэсу ва Украіне і спрыянню Беларусі для хутчэйшага вырашэння канфлікту.
Прэс-служба Парашэнкі паведамляе, што тэмай размовы сталі перспектывы развіцця двухбаковых адносінаў, рэалізацыя дамоўленасцяў па пытаннях гандлёва-эканамічнага супрацоўніцтва. Таксама кіраўнікі дзяржаў дамовіліся актывізаваць двухбаковы палітычны дыялог, а Аляксандр Лукашэнка павітаў прызначэнне пасла Украіны ў Беларусі.
