ПАСЕ рэкамендуе краінам-чальцам палепшыць умовы для эмігрантаў з Беларусі
Савет Еўропы / EPA
Краіны, што ўваходзяць у Савет Еўропы, могуць палепшыць умовы для беларусаў, якія вымушана пакінулі радзіму. Прынамсі, яны даведаліся пра асаблівыя патрэбы мігрантаў з Беларусі.
Размова ідзе пра атрыманне гуманітарных віз, легалізацыйныя працэдуры, дасяг да рыну працы, адукацыю, атрыманне медыцынскай дапамогі, праблему пашпартоў і знаходжання беларусаў у міжнародным вышуку праз палітычны пераслед на радзіме.
Даклад па гэтых пытаннях падрыхтаваў для Парламенцкай асамблеі Савета Еўропы люксембургскі дэпутат Поль Галь. З інфармацыяй дапамагаў Офіс Святланы Ціханоўскай.
На падставе даклада будуць сфармуляваныя рэкамендацыі для краін — чальцоў Савета Еўропы. Дарэчы, у аб'яднанне ўваходзяць не толькі краіны Еўрасаюза, а таксама, напрыклад, Турцыя і Грузія.
