Пасля вяртання з Польшчы жыхару Бабруйска прысудзілі 7 гадоў калоніі
Магілёўская калонія / @viasna96
Жыхару Бабруйска прысудзілі 7 гадоў калоніі пасля вяртання з Польшчы. Максіма Хвашчынскага прызналі вінаватым у стварэнні "экстрэмісцкага фарміравання" і паклёпе на Лукашэнку, піша праваабарончы цэнтр "Вясна".
Максім вярнуўся з Польшчы сёлета 25 лютага. На наступны дзень яго затрымалі. Спачатку ён атрымаў адміністрацыйны арышт за распаўсюд "экстрэмісцкіх матэрыялаў", пасля на яго распачалі крымінальную справу.
Следства палічыла, што ён датычны да стварэння "экстрэмісцкага фармавання" — двух тг-чатаў — "Бабруйск 375" і "Бобр 97%".
Максім знаходзіцца ў магілёўскай калоніі агульнага рэжыму.
