Польшча падоўжыла рэжым спрошчанага атрымання дакумента замежніка для беларусаў
Польскі праязны дакумент замежніка / MOST
Польшча да 30 чэрвеня 2025 года падоўжыла для беларусаў рэжым спрошчанага атрымання праязнога дакумента замежніка. Пра гэта са спасылкай на ўпраўленне па справах замежнікаў, піша тэлеграм-канал "Беларусы ў Польшчы".
Польскі праязны дакумент замежніка (polski dokument podróży dla cudzoziemca) дазваляе падарожнічаць за межы Польшчы і вяртацца ў краіну. У самой Польшчы краіны беларусы з пратэрмінаванымі або згубленымі пашпартамі могуць карыстацца ім як дакументам, які сведчыць асобу.
Для беларускіх палітуцекачоў гэты дакумент набыў асаблівае значэнне пасля таго, як рэжым Лукашэнкі забараніў замену пратэрмінаванага пашпарта ў амбасадах і консульствах.
Польскія ўлады пайшлі насустрач палітуцекачам і ў 2023 годзе ўвялі спрошчаны парадак атрымання дакумента замежніка для беларусаў. Па спрошчанай схеме гэты дакумент можа атрымаць беларус з любым часовым відам на жыхарства, нават калі не мае пашпарта. Акрамя таго, беларусы вызваляюцца ад аплаты за афармленне дакумента.
