Польшча высылае беларускага дыпламата, у Беларусі пачынаюць крымінальную справу
Польшча высылае беларускага дыпламата. Пра гэта паведаміў намеснік міністра замежных спраў Польшчы Марцін Пшыдач. Ён напісаў у Twitter наступнае: "У адказ на варожыя і неабгрунтаваныя дзеянні беларускіх уладаў у дачыненні да польскага консула ў Брэсце Польшча сёння абвясціла дыпламата з амбасады Беларусі ў Варшаве персонай нон грата".
Як паведамляла Еўрарадыё, 9 сакавіка МЗС Беларусі прапанавала польскаму консулу ў Брэсце Ежы Цімафеюку пакінуць краіну. Прычынай называецца грубае парушэнне Венскай канвенцыі. 28 лютага ён паўдзельнічаў у абласным цэнтры ў неафіцыйным мерапрыемстве, прысвечаным "Дню праклятых салдатаў". Маюцца на ўвазе ўдзельнікі антысавецкай пасляваеннай барацьбы ў Польшчы. У МЗС прыгадваюць вядомы факт — фармацыя Рамуальда Райса-Бурага адзначылася спаленнем беларускіх вёсак на Беласточчыне і забойствамі мірнага насельніцтва.
W reakcji na nieprzyjazne i nieuzasadnione działania białoruskich władz wobec polskiego Konsula w Brześciu, Polska uznała dziś za persona non grata dyplomatę z Ambasady RB w Warszawie. Stosowna informacja została przekazana notą dyplomatyczną podczas spotkania w MSZ RP.
— Marcin Przydacz (@marcin_przydacz) March 10, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
