Прэм'ер падпісаў пастанову аб увядзенні ў Беларусі мараторыя на павышэнне коштаў
У Беларусі вырашылі забараніць рост коштаў / sb.by
Прэм'ер-міністр Раман Галоўчанка падпісаў пастанову аб увядзенні ў Беларусі мараторыя на павышэнне коштаў і тарыфаў на ўнутраным рынку. Урад аператыўна адрэагаваў на загад Аляксандра Лукашэнкі з 6 кастрычніка забараніць рост коштаў, які прагучаў у чацвер на нарадзе.
Пастанова № 669 ад 6 кастрычніка "Аб часовых мерах па стабілізацыі коштаў" ужо апублікаваная на Нацыянальным прававым інтэрнэт-партале. Юрыдычныя асобы ўсіх формаў уласнасці і індывідуальныя прадпрымальнікі, якія здзяйсняюць вытворчасць (увоз) і (або) рэалізацыю тавараў на ўнутраны рынак, не змогуць павысіць цэны на ўсе тавары: як харчовыя, так і нехарчовыя. Не дапускаецца таксама павышэнне коштаў (тарыфаў) у выніку адмены акцый, зніжак і распродажаў. Магчымасці павышэння коштаў існуюць "толькі ў выпадку эканамічнай мэтазгоднасці" і па абавязковым узгадненні з дзяржаўнымі органамі.
Міністэрства антыманапольнага рэгулявання і гандлю, іншыя рэспубліканскія органы і дзяржаўныя арганізацыі атрымалі даручэнне здзяйсняць кантроль выканання пастановы. МАРГ ужо заявіла аб "татальным кантролі коштаў", а Камітэт дзяржаўнага кантроля анансаваў "маштабныя праверкі коштаў у гандлёвых аб'ектах" і прыгразіў парушальнікам крымінальнымі справамі.
