Прэм'ера на Еўрарадыё: аўдыё-версія рамана Евы Вежнавец "Па што ідзеш, воўча?"
Еўрарадыё прадстаўляе аўдыё-версію рамана Евы Вежнавец "Па што ідзеш, воўча?".
Пасля таго, як кніга выйграла апошнюю прэмію Ежы Гедройца, мы паабяцалі, што выпусцім для пераможцы аўдыёкнігу. Але вайна ўнесла карэктывы ў працу. Актрыса Алена Зуй-Вайцяхоўская, вядомая па суперхіце “Шчучыншчына”, пачынала запісваць кнігу ва Украіне, а скончыла ў нашай студыі ў Варшаве.
Тры з паловай гадзіны замовы, гумару, магіі, глыбіні і любові. Далучайцеся!
