Прэс-сакратар Дзярждэпа ЗША пераблытала Беларусь і Літву
Прэс-сакратар Дзярждэпа ЗША пераблытала Беларусь і Літву. Хізер Ноерт была ўпэўненая, што сустрэча спецпрадстаўніка Злучаных Штатаў па Украіне Курта Волкера і памочніка расійскага прэзідэнта Уладзіслава Суркова прайшла на літоўскай зямлі. Падчас брыфінгу Ноерт адзначыла, што Волкер сустракаўся ў Літве з “афіцыйнымі асобамі з Расіі”. Аднак добра вядома, што закрытая для СМІ сустрэча прайшла ў Мінску. Нават пасля таго, як прэс-сакратару журналісты зрабілі заўвагу наконт гэтай памылкі, яна працягвала настойваць, што мае рацыю.
