Прэзідэнцкія і парламенцкія выбары 2020 года не будуць праводзіцца адначасова
Прэзідэнцкія і парламенцкія выбары 2020 года не будуць праводзіцца адначасова. Для развядзення па часе кампаній прымуць “палітычнае рашэнне”, заявіла 15 лістапада старшыня ЦВК Лідзія Ярмошына. Яна нагадала, што тэрмін паўнамоцтваў кіраўніка дзяржавы і парламентароў заканчваюцца адначасова, і выбары мусяць прайсці ў верасні 2020-га. Калі ж яны адбудуцца і якая кампанія пачнецца раней, Ярмошына не ведае. Яна кажа, што “гэта не пытанні кампетэнцыі ЦВК”, інфармуе сайт sb.by.
