Прызначаная дата суда над журналістам Сяргеем Сацуком
Справу журналіста Сяргея Сацука пачнуць разглядаць 23 верасня ў Мінскім гарадскім судзе. Як піша "Новы час", працэс будзе весці суддзя Святлана Бандарэнка.
Сяргей Сацук знаходзіцца за кратамі з 8 снежня 2021 года. У той жа дзень дома ў яго адбыўся ператрус. А доступ да сайта "Ежедневник" (ej.by), дзе Сацук публікаваў свае журналісцкія расследаванні, быў заблакаваны.
Яго вінавацяць паводле двух крымінальных артыкулаў — ч. 2 арт. 130 КК (распальванне варожасці з выкарыстаннем службовых паўнамоцтваў) і ч.2 арт. 426 КК (перавышэнне службовых паўнамоцтваў з карысных ці іншых памкненняў).
Перад тым на Сацука пачыналі крымінальную справу па абвінавачанні ў атрыманні хабару.
Праваабаронцы прызналі Сяргея Сацука палітвязнем.
