Публічная кара за кейпоп і туфлі Элвіса Прэслі — #ІхНоравы

Паводле паказанняў аднаго з іх, малады чалавек з правінцыі Паўднёвы Хванхэ быў публічна пазбаўлены жыцця ў 2022 годзе за праслухоўванне 70 паўднёвакарэйскіх песень, прагляд трох фільмаў і іх распаўсюджванне. Такім чынам ён парушыў прыняты ў 2020 годзе паўночнакарэйскі закон, які забараняе "рэакцыйную ідэалогію і культуру".

У дакладзе падрабязна апісваюцца маштабныя спробы ўладаў КНДР спыніць вонкавы ўплыў інфармацыі і культуры на грамадзян.

Цукеркі з галюцынагенамі

У Аўстраліі забаранілі прадаваць два віды жавальных цукерак Uncle Frog Mushroom Gummies (“Жуйкі з грыбоў дзядзькі жабы”). Гэта здарылася пасля шпіталізацыі людзей, якія іх паспрабавалі.

У штаце Паўднёвая Аўстралія шпіталізаваны падлетак, які страціў прытомнасць. Не менш за пяць чалавек з прыкметамі атручэння трапілі ў бальніцу ў штаце Новы Паўднёвы Уэльс.

У пацярпелых, якія жавалі грыбныя цукеркі, назіраліся галюцынацыі, неспакой, галавакружэнне, страта прытомнасці, часты пульс і млоснасць.

Дарэчы, цукеркі прадаваліся ў краіне нелегальна. Грыбы, якія ўваходзяць у іх склад, не ўхваленыя як прадукты харчавання.

Сінія туфлі Элвіса Прэслі

Сінія замшавыя туфлі Элвіса Прэслі могуць прадаць на англійскім аўкцыёне амаль за 142 тысячы еўра. Кароль рок-н-ролу насіў гэты абутак у 50-х гадах XX стагоддзя.