Суботнік у космасе і геймерскія разборкі — #ІхНоравы

Каб забяспечыць бяспеку маладых людзей, урад Даніі збіраецца зрабіць больш жорсткімі правілы паводзін у інтэрнэце. На фоне некаторых навінаў у свеце ініцыятыву можна зразумець. Так, напрыклад, у ЗША 20-гадовы геймер не паленаваўся праехаць 1500 км, каб ударыць малатком свайго суперніка па гульні ArcheAge. І ледзь яго не забіў.

Пакуль суд вырашае, як пакараць хлопца, навукоўцы працягваюць вывучаць космас і патрабуюць правесці там генеральную ўборку.

Больш падрабязна пра гэта, а таксама пра сакрэт незвычайных "несмяротных" зорак чытайце ў нашай пастаяннай рубрыцы "Іх норавы".

Еўрасаюз ачысціць космас ад смецця

У калязямной прасторы робіцца цесна праз спадарожнікі і смецце. Сёння на арбіце Зямлі — каля 12,5 тыс. спадарожнікаў. Большасць з іх рухаецца прыкладна ў тысячы км ад нашай планеты. Іншыя вісяць на вышыні 30 тысяч км.

— Сёння расце неабходнасць падтрымліваць гэтую прастору ўстойлівай, чыстай і бяспечнай, — перакананыя ўдзельнікі навуковага форуму, які прайшоў у Бруселі.  

Хартыя нулявога смецця Еўрапейскага касмічнага агенцтва патрабуе вярнуць на зямлю, знішчыць або абясшкодзіць закінутыя спадарожнікі ўжо да 2030 года.

Астраномы заўважылі "несмяротныя" зоркі

Астраномы заўважылі ў цэнтральнай частцы Млечнага Шляху зоркі, узрост якіх не ўпісваецца ў існыя тэорыі. Паводле здагадкі навукоўцаў, гэтыя нябесныя целы застаюцца "вечна маладымі" праз нестандартнае папаўненне энергіі.

У Даніі зробяць больш жорсткімі правілы для сацыяльных сетак

Урад Даніі, а таксама некаторыя няўрадавыя арганізацыі аб'ядноўваюцца, каб зрабіць больш жорсткімі правілы для сацыяльных платформаў. У Капенгагене перакананыя, што медыягіганты ігнаруюць свае сацыяльныя абавязацельствы.

Асаблівую трывогу ў актывістаў выклікае фармалісцкі падыход сацсетак да фільтрацыі кантэнту паводле ўзросту.

— Мы супрацьстаім некаторым вельмі буйным і магутным тэхналагічным гігантам, якія па-ранейшаму не выконваюць сваіх абавязацельстваў у адносінах да дзяцей, — кажа прэм'ер-міністр Даніі Метэ Фрэдэрыксен.

— Неабходная рэальная праверка ўзросту. Неабходныя патрабаванні да зместу, адпаведнага ўзросту. Не павінна быць так, каб дванаццацігадовыя дзеці глядзелі кантэнт, які не павінны глядзець нават дарослыя. Неабходна заўсёды мець магчымасць звязацца з дарослымі, — дадае генеральны сакратар Save The Children Denmark Ёхана Шміт-Нільсэн.

Гэтыя пытанні датчане плануюць вынесці на агульнаеўрапейскі ўзровень — у наступным годзе дзяржава будзе старшынстваваць у Еўрасаюзе.